ՆախընտրելիՍիրիայի ռազմական պատասխանատու աղբյուրը հերքել է մի քանի լրատվամիջոցների տարածած լուրը հատուկ նշանակության ստորաբաժանումներով ռուսական ռազմանավերի` սիրիական Տարտուս նավահանգիստ ժամանելու մասին` դրանք անվանելով սուտ եւ անհիմն:
Սիրիական պետական տեղեկատվական «ՍԱՆԱ» գործակալությանը աղբյուրը հայտնել է, որ տվյալ ապատեղեկատվությունը հակասիրիական գործողության մի մաս է, որն իրականացնում են ընդդիմադիր խմբավորումները եւ նրանց աջակցող արեւմտյան ուժերը` Սիրիայի ներքին գործերին անմիջական ռազմական միջամտության իրենց նկրտումներն արդարացնելու համար:
Ավելի վաղ արեւմտյան մամուլում հայտնված` Սեւծովյան նավահանգստի ծովային բանակի հարձակողական ստորաբաժանման կազմից հատուկ նշանակության ջոկատի խմբով ռուսական «Իման» տանկերի Տարտուս ժամանելու մասին հաղորդագրությունը կտրականապես հերքվել էր Ռուսաստանի պաշտպանության նախարարության կողմից: Ռուսաստանի պաշտպանության նախարարությունը հայտարարել է. «Սիրիայի ափերի մոտ առաջադրանք կատարող ռուսական ոչ մի ռազմանավ չկա:
Տարտուս սիրիական նավահանգստում 10 օր գտնվել է օժանդակ նավ`«Իման» տանկերը, որի նպատակը Ադենի ծովածոցում ծովահենների հարձակումներից նավարկության անվտանգությունն ապահովագրելու, ինչպես նաեւ Սեւծովյան եւ Հյուսիսային նավահանգիստների նավերի թիկունքային պաշտպանության խնդիրներն են` վառելիքի եւ մթերքի պահուստների ապահովմամբ»:
