ՆախընտրելիՍմարթֆոնները, սոցիալական ցանցերը, պլանշետային համակարգիչները եւ տեխնոլոգիական առաջընթացի շատ ձեռքբերումներ բոլոր տեսակի լրտեսների համար գերազանաց օժանդակ բազա են: Այդ մասին հայտարարել է ԿՀՎ տնօրեն Դեյվիդ Պետրեուսը` գովելով նոր տեխնոլոգիաների օգտակարությունը հետախույզների աշխատանքում:
Ինչպես փոխանցում է CNews-ը, եթե նախկինում լրտեսները ստիպված էին վտանգավոր հետապնդում իրականացնել, ապա այսօր իրավիճակը արմատապես փոխվել է: Գնալով ավելի շատ անձնական եւ կենցաղային սարքավորումներ են միանում համացանցին` հեռուստացույցից մինչեւ ավոտմեքենաների նավիգացիոն համակարգերը: Այս ամենը թույլ է տալիս ԿՀՎ-ին իրական ժամանակի ռեժիմում շատ օգտակար տվյալներ ստանալ` սկսած «օբյեկտի» գտնվելու վայրից մինչեւ գաղտնի նկարահանում բջջայինի կամ նոութբուքի միջոցով:
Ապագայում այդ ոլորտում հետախուզության հնարավորությունները կընդլայնվեն: Պետրեուսի խոսքով` կենցաղային սարքավորումները «փոխում են մեր պատկերացումները գաղտնիքի, անձնական տեղեկատվության եւ գաղտնիության մասին»:
