ՆախընտրելիԱյսօր Լեւենում Շվեյցարիայի ահավոր վթարից զոհված 7 երեխաների եւ 2 մեծահասակների հոգեհանգստի պատարագն են մատուցում:
Ըստ տեղական լրատվամիջոցների հաղորդման` արարողությունը բացառապես հոգեւոր բնույթի է, զոհվածների հարազատների կամքով չեն լինի ոչ ճառեր, ոչ երաժշտություն, միայն եկեղեցական ժամերգություն:
Ժամերգությանը ներկա են բելգիացիների թագավոր Ալբերտ Երկրորդը կնոջ` թագուհի Պաոլայի հետ, Բելգիայի եւ Նիդեռլանդների վարչապետներ Էլիո դի Րուպոն եւ Մարկ Րյութեն, Եվրախորհրդի նախագահ Հերման վան Ռոմպեյը եւ շվեյցարական Վալեի ներկայացուցչական պատվիրակությունը:
Հիշեցնենք, որ վթարը տեղի էր ունեցել մարտի 13-ին` Վալեի Սյեր քաղաքի շրջակայքում: Ավտոբուսն անհայտ պատճառներով կորցրել էր կառավարումը եւ բախվել թունելի պատին:Վթարի զոհ էին դարձել 28 մարդ, որոնցից 22-ը` երեխաներ:
Զոհվածների մարմինները մարտի 16-ին տեղափոխվել են Բելգիա` բելգիական ռազմաօդային ուժերի օդանավերով:
