ՆախընտրելիՄեծ Բրիտանիայի կառավարող պահպանողական կուսակցության ֆինանսիստներից մեկը` Փիթեր Կրուդասը մարտի 25-ին հրաժարական է ներկայացրել` նախօրեին բռնկված սկանդալի պատճառով:
Ինչպես հաղորդում է BBC Russian-ը, կիրակնօրյա Sunday Times-ը հրապարկել է տեսանյութ, որտեղ արձանագրված է, թե ինչպես է Կրուդասը քննարկում բրիտանական կառավարության բարձրաստիճան անձանց հետ հանդիպման կազմակերպման հարցը` պահպանողականների համար որոշակի նվիրաբերության դիմաց: Այդ «նվիրաբերությունը» կազմում է 250 հազ. ֆունտ ստեռլինգ:
Սկանդալային տեսանյութում լրագրողները ներկայացել են որպես գրոծարարներ, որոնք ցանկացել են իբր հանդիպել բրիտանական կառավարույթան ղեկավարի հետ` տնտեսության ընթացիկ հեռանկարները քննարկելու համար: Կրուդասը «գործարարներին» տեղեկացրել է, որ նշված գումարի դիմաց նրանք կարող են ստանալ վարչապետ Դեյվիդ Քեմերոնի եւ ֆինանսների նախարար Ջորջ Օսբորնի հետ ոչ պաշտոնական հանդիպման հրավեր:
Այդ տեսանյութի ի հայտ գալուց անմիջապես հետո Պահպանողական կուսակցությունը հանդես է եկել հայտարարությամբ` պնդելով, որ չեն խախտվել դրամահավաքի կանոնները:
Իսկ Կրուդասը, ով այդ պաշտոնին նշանակվել է 2011. ամռանը, հայտարարել է հրաժարականի մասին: «Ես ցավում եմ, որ զրույցի ժամանակ իմ պարծենկոտությունը կարող էր տպավորություն ստեղծել, թե խոսքն անվայել գործողությունների մասին է»,-հայտարարել է նա:
