ՆախընտրելիԿանադայի արեւմտյան ափերի մոտ հայտնաբերվել է ճապոնական «ուրվական նավ», որն անցած տարի մարտին ցունամիի ժամանակ անհետացել էր ծովում եւ մեկ տարվա թափառումներից հետո հատել Խաղաղ օվկիանոսը:
Ձկնորսական նավը նկատել են բրիտանական Կոլումբիայի ափերից մոտ 222 կմ հեռավորության վրա: Առափնյա պահպանության ինքնաթիռը լուսանկարել է նավը, եւ դատելով դրանցից, նավի վրա ոչ ոք չկա:
Կանադացիները դիմել են ճապոնական առափնյա պահպանությանը, որոնք էլ իրենց հերթին կարողացել են պարզել, թե ում է պատկանում նավը եւ վերականգնել նրա պատմությունը: Թե ինչ է եղել նավի անձնակազմի հետ` հայտնի չէ, հաղորդում է CNN-ը:
