ԱՄՆ-ն 10 մլն դոլարի պարգեւ է խոստացել պակիստանյան «Լաշքար ի Թայբա» իսլամիստական խմբավորման առաջնորդ Մոհամեդ Սայիդի մասին տեղեկության համար: Այդ մասին ասվում է «Պարգեւներ արդարադատության համար» կառավարական կայքում:

Նրա տեղակալի`Հաֆիզ Աբդուլա Ռահման Մաքքիի մասին տեղեկության համար ամերիկյան իշխանությունները պատրաստ են վճարել 2 մլն դոլար:

Ինչպես տեղեկացնում է  Lenta.ru-ն, այդ խմբավորմանը կասկածում են Մումբայի ահաբեկչությունների հետ կապի մեջ, որոնք կատարվել են  2008թ.: Այն ժամանակ ահաբեկիչների գրոհի արդյունքում  166 մարդ էր զոհվել, այդ թվում` ԱՄՆ վեց քաղաքացիներ: Մումբայի ահաբեկչություններից հետո Սայիդին Պակիստանում  տնային կալանք էին նշանակել: Սակայն պակիստանյան դատարանը նրան անմեղ էր ճանաչել:

Ներկա պահին հնդկական իշխանությունները ցանկանում են Ինտերպոլի միջոցով ձերբակալել Սայիդին: