նախընտրելի դարձնել«Նորվեգացի հրաձիգ» Անդրես Բրեյվիկը, որի գործը լսվում է Օսլոյում, հայտարարել է, որ չի ընդունում նորվեգական դատարանը:
Բրեյվիկը դատարանին ողջունել է աջծայրահեղական ժեստով` աջ ձեռքը բռունցք արած վիճակում առաջ մեկնելով: Անմիջապես այն բանից հետո, երբ դատավորը ներկայացրել է կողմերի մասնակիցներին, Բրեյվիկը խոսքի իրավունք է ստացել եւ հայտարարել, որ «չի ընդունում նորվեգական դատարանը»:
Դատավորը մեղադրյալին խնդրել է հայտնել անունը եւ մասնագիտությունը, ինչին Բրեյվիկը պատասխանել է, որ գրող է, հաղորդում է «ՌԻԱ Նովոստին»:
Մինչ իր գործի լսումներն սկսելը Ա. Բրեյվիկն ընդգծել է, որ իրեն համարում է ռազմական հրամանատար, եւ այդ պատճառով էլ իր գործը պետք է քննի ռազմական, այլ ոչ թե սովորական դատարանը:
Անդերս Բրեյվիկը մեղադրվում նախորդ տարվա հուլիսի 22-ին Օսլոյի կառավարական թաղամասում պայթյուն իրագործելու մեջ, որի հետեւանքով զոհվել էին 8 մարդ, եւ Ութեյա կղզում Նորվեգիայի բանվորական կուսակցության երիտասարդական ճամբարի ուղղությամբ հրաձգություն կազմակերպելու մեջ, որի արդյունքում զոհվել էին 69 երիտասարդներ:
