նախընտրելի դարձնելՀայաստանում ձևավորվել են քաղաքական այնպիսի պայմաններ, որոնցում վերջին 35 տարվա ընթացքում առաջին անգամ առկա է ընտրությունների միջոցով իշխանափոխության իրական հնարավորություն։ Այս մասին նախընտրական հանդիպման ժամանակ հայտարարել է «Ազգային-ժողովրդավարական բևեռ» կուսակցության խորհրդի անդամ Ժիրայր Սեֆիլյանը։
Ըստ նրա՝ առաջիկա ժամանակահատվածը վճռորոշ է և պահանջում է հասարակության ակտիվ մասնակցությունն ընտրական գործընթացներին։
«Մենք ապրում ենք պատմականորեն կարևոր օրեր։ Վերջին շաբաթների ընթացքում իմ մեջ համոզմունք է ձևավորվել, որ 35 տարվա մեջ առաջին անգամ մեր երկրում հնարավորություն է առաջացել ընտրությունների միջոցով իշխանություն փոխել», - հայտարարել է Սեֆիլյանը։
Նրա խոսքով՝ ընդդիմադիր ուժերի հաջողության հիմնական գործոնը ընտրողների բարձր մասնակցությունն է։
Նա ընդգծել է, որ առաջիկա շաբաթվա ընթացքում անհրաժեշտ է կենտրոնանալ հասարակության հետ բացատրական աշխատանքների վրա։
«Մենք պետք է մարդկանց բացատրենք, որ բոլորը պետք է մասնակցեն ընտրություններին։ Սա չափազանց կարևոր է, քանի որ գործող իշխանությունը շահագրգռված է ցածր մասնակցությամբ», - նշել է նա։
Սեֆիլյանը պնդում է, որ իշխանությունները հույսը չեն դնում քարոզչության միջոցով ընտրական աջակցության ավելացման վրա, նրանց հիմնական գրավականը վարչական ռեսուրսն ու ցածր մասնակցությունն են։
Նա հավելել է, որ բարձր մասնակցությունը կարող է էապես փոխել երկրում տիրող քաղաքական իրավիճակը։
