Նախընտրելի«Բարգավաճ Հայաստան» կուսակցության առաջնորդ Գագիկ Ծառուկյանը կտրականապես հերքել է ընտրակաշառքի վերաբերյալ մեղադրանքները՝ դրանք կապելով իշխանությունների կողմից իրականացվող ճնշումների հետ։ Նա կարծիք է հայտնել, որ իրավապահների գործողությունները պայմանավորված են իշխող ուժի՝ իշխանությունը կորցնելու վախով։
«Որտե՞ղ եք լսել, որ մենք փող ենք բաժանում, ձայն ենք ուզում։ Դա բացառվում է։ Այդ մասին խոսակցությունները վախի մթնոլորտ ստեղծելու փորձ են»,- ասել է նա։
Միաժամանակ, կուսակցության առաջնորդը հայտարարել է քաղաքացիների և տարբեր հաստատությունների աշխատակիցների նկատմամբ գործադրվող ճնշումների դեպքերի մասին։ Ըստ նրա՝ մարդկանց աշխատանքից ազատում են կամ սպառնում են ազատել՝ քաղաքական հայացքների և ընդդիմությանը սատարելու պատճառով։
«Այսօր ակտեր են կազմում, մարդկանց ազատում են աշխատանքից նույնիսկ առանց դիմումների։ Բայց նրանք, ովքեր նման որոշումներ են կայացնում, ստիպված կլինեն մտածել, թե ինչ են պատասխանելու հունիսի 7-ից հետո»,- հայտարարել է Ծառուկյանը։
Նրա խոսքով՝ վերջնական որոշումը մնում է ընտրողներինը, որոնք առաջիկա ընտրություններին պետք է որոշեն երկրի զարգացման հետագա ուղին։
