նախընտրելի դարձնելՀայաստանի իշխանությունները կհանձնեն անկլավները, իսկ մինչ այդ կխաբեն ժողովրդին և կվախեցնեն պատերազմով, եթե նա դիմադրի։ Դրա մասին NEWS.am-ի թղթակցի հետ զրույցում հայտարարել է ՀՀ ԱԺ պատգամավոր Հակոբ Ասլանյանը։
Ասլանյանը հավելել է, որ Փաշինյանը քարոզարշավի ժամանակ արդեն վախեցնում էր ժողովրդին սեպտեմբերյան պատերազմով, եթե իրեն չընտրեն։ Նրա գնահատմամբ՝ չկա ոչ մի փաստաթուղթ այն մասին, որ այդ տարածքներն անկլավի կարգավիճակ ունեն։
Պատգամավորը կասկած է հայտնել, որ ներկայիս գումարման խորհրդարանը կաշխատի իր ամբողջ ժամկետում։ Նրա գնահատմամբ՝ խորհրդարանը և՛ իշխանության, և՛ ընդդիմության կողմից ոչ լեգիտիմ է և թույլ։
«30 տարվա մեջ առաջին անգամ և՛ իշխանությունը, և՛ ընդդիմությունը միմյանց մեղադրում են ոչ նրանում, որ երկուսն էլ ոչ լեգիտիմ են։ Այսինքն՝ նրանք երկուսն էլ և՛ խոցելի են, և՛ թույլ։ Իշխանություններն ուզում են, որ խորհրդարանում հայտնվի ներկայիս ընդդիմությունը, որպեսզի նրանք շարունակեն ցեխ շպրտել և պրիմիտիվ խոսակցություններ վարել։ Եթե հանենք այդ գործոնը, ապա բովանդակային քննարկումներ չկան»,- նշել է Ասլանյանը։
Նա նկատել է, որ Նիկոլ Փաշինյանը «Հզոր Հայաստան» կուսակցությանը, որի օգտին քվեարկել է 330 հազար ընտրող, մեղադրել է ընտրողներին կաշառելու մեջ։
«Ինչո՞ւ դատարանները չհեղեղվեցին 10-20 հազար հայցերով այն մասին, որ մենք գումարով չենք ընտրել որևէ մեկին, այլ պարզապես ուզում ենք, որ Փաշինյանը հեռանա։ Ինչո՞ւ ընդդիմությունը չգնաց դրան։ Որովհետև ընդդիմությունը քաղաքական տեսանկյունից մերկ է, այնտեղ քաղաքական գործիչներ չկան։ Եվ դրա հետ մեկտեղ նրանք չեն ցանկանում համագործակցել այն մարդկանց հետ, որոնք կարողանում են կանխատեսումներ անել»,- եզրափակել է խորհրդարանականը։
