նախընտրելի դարձնելՍա կապեք ում հետ ուզում եք և ինչպես ուզում եք: Դա արդեն ձեր խնդիրն է: Սա կոչվում է ռեյդերական զավթում: Այս մասին օգոստոսի 4-ին Ազգային ժողովի նիստում՝ ԱԺ փոխնախագահի ընտրության հարցի քննարկման ժամանակ, հայտարարել է ընդդիմադիր «Ուժեղ Հայաստան» խմբակցության պատգամավոր, «Հայաստանի էլեկտրական ցանցեր» ընկերության նախկին փոխտնօրեն Դավիթ Ղազինյանը՝ մեկնաբանելով «ՀԷՑ»-ի շուրջ ծավալված իրադարձությունները։
Նա, մասնավորապես, իր դիրքորոշումը հիմնավորել է նրանով, որ մասնավոր սեփականություն հանդիսացող կոնկրետ ընկերության համար ամբողջական օրենք է փոխվել, որից հետո խորհրդարանական մեծամասնությունը համապատասխան որոշում է անցկացրել։
«Կառավարող կուսակցության վարչության անդամին նշանակեցին կառավարիչ, իսկ ինձ ասացին, որ պետք է ենթարկվեմ «Քաղաքացիական պայմանագիր» կուսակցության շարքային անդամին», - ասել է Ղազինյանը։
Պատգամավորը նաև հայտնել է, որ իրենք դիմել են Միջազգային արբիտրաժային դատարան, սակայն, նրա խոսքով, Հայաստանի իշխանությունները չեն կատարել այնտեղ կայացված որոշումը։
