նախընտրելի դարձնելԲելառուսցի ակտիվիստ Իվան Օմելչենկոյին, մականունը` «Ռիժիկ», 15 օրով ազատազրկել են «Մուսորոկ» (աղբ) գրառմամբ պաստառի համար:
«Խարտիա-97»-ը հայտնում է, որ նա ապրիլի 26-ի ընդդիմադիրների ցույցերի ընթացքում «Մուսորոկ» գրառմամբ պաստառ է բռնած եղել, որի վրա դեպի աջ կողմ սլաք է է եղել, որտեղ էլ կանգնած է եղել քաղաքացիական հագուստով բելառուսական ոստիկանության աշխատակիցը, որը նկարահանելիս է եղել հանրահավաքը: Ռիժիկն անմիջապես դաձել է տեղի համացանցային հերոսը, իսկ իրավապահ մարմինների նեղացած աշխատակիցները նրա նկատմամբ որս են սկսել:
Դատարանում երիտասարդն ասել է, որ իրականում ինքն անգլերենով գրել է «My cop ok» (Իմ ոստիկանը ОК է), այսինքն` ոչ մի անհարգալից բան ոստիկանի հասցեին չի ասել:
Դատարանն, այնուամենայնիվ, Իվան Օմելչենկոյին 15-օրյա ազատազրկման է դատապարտել: Իսկ Բելառուսի համացանցային հասարակությունն արդեն որոշել է ընդդիմության հաջորդ ակցիաների ընթացքում սլաքները դնել արդեն ռուսերենով գրված «Մայ կոպ օքեյ» պաստառների վրա` թյուրիմացություններից խուսափելու համար:
