նախընտրելի դարձնելՄոսկվայի ոստիկանությունը ստուգում է ճանապարհային երթեւեկության կանոնների խախտման փաստը, որն արձանագրել է այլ վարորդի` խախտման ականատեսի տեսագրանցիչը:
Մայիսի 17-ին` հինգշաբթի օրը, ժամը մոտ 19:00-ին Տվերսկայա փողոցում A 271 AA 98 պետհամարանիշներով Maybach ավտոմեքենան սեւ BMW-ի ուղեկցությամբ հանդիպակաց գոտի է դուրս եկել` հենց տեսագրանցիչի տիրոջ մեքենայի դիմաց:
Այնուհետեւ երկու մեքենաներն էլ հանդիպակաց երրորդ գոտի են անցել եւ շարունակել են երթեւեկությունը:
Ըստ Autonews.ru-ի տվյալների` A 271 AA 98 համարանիշի Maybach-ը պատկանում է ՌԼԴԿ-ի առաջնորդ եւ Պետդումայի փոխխոսնակ Վլադիմիր Ժիրինովսկիին:
«Ապօրինի գործողությունների դեմ ամենաարդյունավետ միջոցը պաշտոնյայի մեքենայի բռնագրավումն է: Քանի որ ցանկացած տուգանք նրանք պարզապես կվճարեն», - գրել է Ժիրինովսկին մայիսի 21-ին թվիթերում:
