նախընտրելի դարձնելՎերին Դվինի բնակիչներն այսօր՝ հոկտեմբերի 9–ին, բողոքի ակցիա են իրականացնում, նրանք բողոքում են լոլիկի մթերման կազմակերպումից, սուբսիդիան հանելուց հետո չեն կարողանում վաճառել իրենց լոլիկը։
Այստեղ է նաև «Ուժեղ Հայաստան» խմբակցությունից Հարություն Մնացականյանը, ով նշեց. «Տեսեք, որ որակն էլ շատ լավն է, ջերմատնային լոլիկից էլ էլի չի տարբերվում իրականում, բայց սուբսիդիան հանելուց հետո մարդիկ չեն կարողանում վաճառել։ Հետաքրքիրն այն է, որ սուպերմարկետներում 550 դրամի կարգի է վաճառվում, այս մարդիկ 80-100 դրամով չեն կարողանում վաճառել։
Մենակ բանվորներին, ժամը 1000 դրամից ավել են վճարում, պլյուս բեռնատարի համար են վճարում 20 000 դրամ, հասցնում են Հովտաշատի շուկա և չի վաճառվում։ Մարդիկ մնացել են փակուղային վիճակում»։
