նախընտրելի դարձնելՀՅ Դաշնակցություն կուսակցությունից Արտաշատ համայնքի ղեկավարի թեկնածու Գերասիմ Վարդանյանը հաստատել է վարչապետ Նիկոլ Փաշինյանին ուղղված հրապարակային բանավեճի հրավերը։ Իր առաջարկը նա վերահաստատել է լրագրողների հետ զրույցում դատարանի բակում, որտեղ պետք է քննվեին Հայաստանի երկրորդ նախագահ Ռոբերտ Քոչարյանի և նրա որդու՝ Սեդրակ Քոչարյանի նկատմամբ խափանման միջոցի վերաբերյալ միջնորդությունները։
Վարդանյանը հիշեցրել է, որ անցել է 14 գործով, որոնցից 12-ով արդարացվել է։ «Ես երկու գործով մեղադրյալ եմ, Փաշինյանը շփոթում է իմ կարգավիճակը՝ ինձ ամբաստանյալ անվանելով։ Դրանով նա ուղղորդում է իրավապահ համակարգին», - հայտարարել է Վարդանյանը։
Նա հավելել է, որ ինքը պարապ մարդ չէ, որպեսզի նրա նման (Փաշինյանի) ստատուսներով փոխանակվի։ Այդ պատճառով Վարդանյանը կրկնել է հրապարակային բանավեճի հրավերը՝ թող գա, և ժողովուրդը տեսնի, թե ով ով է։ Հարցե՞ր կան։ Արի, պատասխաններ կստանաս, խոստացել է Վարդանյանը։
Հարցին, թե արդյոք չի վախենում, որ նման հայտարարություններից հետո իրեն կարող են ձերբակալել, Վարդանյանը հիշեցրել է, որ մեկ տարուց ավելի անցկացրել է բանտում։ Նրա մտահոգությունները կապված են պետության և ժողովրդի ապագայի հետ, իսկ սեփական ազատությունն ու կյանքը Վարդանյանը պատրաստ է վտանգի տակ դնել։
Ավելի վաղ Վարդանյանն արդեն հնչեցրել էր հրապարակային բանավեճի կոչը՝ ի պատասխան Փաշինյանի գրառման։
Փաշինյանն իր Facebook-ի էջում գրել էր. «Արտաշատ համայնքի ղեկավարի պաշտոնում ՀՅԴ Դաշնակցություն կուսակցությունից թեկնածուի կինը 2022 թվականի մարտից աշխատում է Միասնական սոցիալական ծառայությունում՝ որպես ավագ մասնագետ։ Եվ այդ թեկնածուն, նրա կուսակիցներն ու աջակիցները մեզ մեղադրում են մարդկանց քաղաքական հայացքների պատճառով աշխատանքից ազատելու մեջ։ Ի դեպ, տվյալ թեկնածուն երկու քրեական գործով ամբաստանյալ է։ Ավելին ասեմ՝ նման մարդկանց ներկայությունը պետական համակարգում շատերին հիմք է տալիս մտածելու, որ մենք գաղտնի կապված ենք Ռոբի, Սերժի, դաշնակների, կալուգացիների հետ (նկատի ունի Սամվել Կարապետյանին - խմբ.)։ Շատերն ասում են, որ մենք հեղափոխություն արեցինք, բայց իշխանության մեջ կրկին դաշնակներ ու հանրապետականներ են։ Հիմա ի՞նչ անեմ՝ ազատե՞մ այդ մարդկանց աշխատանքից, թե՞ թողնեմ»։
