նախընտրելի դարձնելԿահիրեի Թահրիր հրապարակում մարդկանց հսկայական ամբոխ է հավաքվել, ովքեր դժգոհում են նախկին նախագահ Հոսնի Մուբարաքի նկատմամբ կայացված դատավճռից եւ պահանջում են մահապատժի ենթարկել նրան:
Ինչպես հաղորդում է BBC Russian-ը, նրանք նաեւ դժգոհություն են հայտնում ՆԳՆ նախկին չորս բարձրաստիճան անձանց նկատմամբ կայացված դատավճռից, որոնց դատարանը մեղադրել է ցուցարարների սպանության մասնակցության մեջ:
Ակցիայի մասնակիցներն «արաբական գարնան» շարունակություն են պահանջել:
Ինչպես ավելի վաղ տեղեկացրել էր NEWS.am-ը, հունիսի 2-ին երկրի նախկին նախագահ Մուբարաքը դատապարտվել էր ցմահ ազատազրկման: Նույնպիսի դատավճիռ էր կայացվել ՆԳՆ նախկին ղեկավար Հաբիբ ալ Ադլի նկատմամբ:
