նախընտրելի դարձնելՀունիսի 10-ի երեկոյան Սոչիում ավարտվել է ռուսական XXIII «Կինոտավր» կինոփառատոնը:
«Կինոտավրի» ամենաշատ մրցանակ ստացել է ռեժիսոր Վասիլի Սիգարեւը, որի «Ապրել» ֆիլմը մինչեւ վերջին պահը եղել է Գրան-պրիի հիմնական հավակնորդը: Սակայն այդ մրցանակն ստացել է Պավել Ռումինովի «Ես կողքիդ կլինեմ» կինոնկարը:
Սիգարեւին Սոչի էր բերել նոր, մռայլ եւ ծանր կինոնկար: Այդ երեկո նա երեք նա բեմ էր բարձրացել փառատոնի մրցանակների համար` քննադատների, լավագույն օպերատորական աշխատանք եւ «Կինոտավր» լավագույն ռեժիսոր մրցանակների համար:
Միխայիլ Սեգալին մրցանակ հանձնվեց «Պատմվածքներ» ֆիլմի լավագույն սցենարի համար:
Ռեժիսոր Ավդոտյա Սմիրնովայի «Կո-կո-կո» ֆիլմում նկարահանվել էին Աննա Միխալկովան եւ Յանա Տրոյանովան: Նրանց էկրանային դուետն ստացվել էր: Լավագույն կանացի դերի մրցանակը հանձնել են դուետին, հաղորդում է ՆՏՎ-ն:
Տղամարդու լավագույն դերակատարման մրցանակն ստացել է Ազամաթ Նիգմանովը` «Ուղեկցորդը» ֆիլմում աշխատանքի համար: Բացի դրանից «Ուղեկցորդին» պարգեւատրել էին լավագույն երաժշտության համար:
Լավագույն ֆիլմ է համարվել «Ես կողքիդ կլինեմ» ֆիլմը: Պատմություն է այն մասին, թե ինչպես երիտասարդ միայնակ մայրը հանկարծակի իմանում է անբուժելի հիվանդության մասին եւ սկսում է ծնողներ փնտրել որդու համար:
