նախընտրելի դարձնելՕգոստոսի 3-ին Չինաստանի արեւելյան ափին երկու թայֆուն է գրանցվել: Զոհերի եւ ավերածությունների մասին տեղեկություններ չկան;
«Դամրի» թայֆունը նախորդ գիշեր հասել էր Ցզյանսու նահանգ, իսկ «Սաոլա» թայֆունն սկսել է Ֆուցզյան նահանգին մոտենալ: Ըստ օդերեւութաբանների` Դամրին շարժվում է 25 կմ/ժ արագությամբ: 300 հազար մարդ տարհանվել է վտանգավոր շրջաններից: «Սաոլան» հյուսիս-արեւմուտք կշարժվի 15-20 կմ/ժ արագությամբ:
Չինաստանի արեւելյան օդանավակայաններում հետաձգվել են չվերթները:
Շանհայում հայտարարվել է տագնապի «նարնջագույն» աստիճան (չորս հնարավորներից երրորդը), հայտնում է «Ռոսիյսկայա գազետան»:
Ավելի վաղ Ֆիլիպիններում տեղի ունեցած եւ 23 մարդու վախճանի պատճառ դարձած «Սաոլա» թայֆունը օգոստոսի 2-ին հասել էր Թայվան: Կղզու կյանքը կաթվածահար էր եղել, զոհվել էր 6 մարդ:
