նախընտրելի դարձնելCuriosity մարսագնացի առաքելության մեկնարկով Մարսի վրա կյանքի գոյության ապացույցները կավելանան երկրաչափական պրոգրեսիայով՝ շնորհիվ համացանցից օգտվողների։ Մարսագնացից ստացված վերջին լուսանկարները զննելով՝ օգտվողներից մեկը ոչ երկրային քաղաքակրթության գոյության օգտին միանգամից երկու ապացույց է գտել, գրում է Daily Mail-ը։
Մեծացնելով պատկերը` բլոգերը նկատել է, որ կադրում հայտնվել են երկու կասկածելի օբյեկտ` օձ կամ մողես հիշեցնող ինչ-որ արարած եւ կոշիկ հիշեցնող օբյեկտ: «Իրական են արդյոք նման անոմալիաները, կիրառվել են արդյոք ինչ-որ հնարքներ լույսի կամ ուրիշ բանի շնորհիվ, ես չգիտեմ», - գրում է հետազոտողը, հայտնում է «urto.ru»-ն:
Curiosity-ն շարունակում է շրջել Մարսի մակերեւույթով եւ հետքեր, հաղորդագրություններ թողնել, հայտնում է Scientific American-ը: Մարսագնացը շարժվում է զիգզագներով, եւ անիվները Մարսի հողի վրա թողնում են Մորզեի այբուբենով հավաքած խորհրդանիշներ, որոնք ընթերցվում են JPL-ում (Jet Propulsion Laboratory, ռեակտիվ շարժման լաբորատորիա Փասադենայում):
