նախընտրելի դարձնելՍեպտեմբերի 3-ի առավոտյան տարօրինակ դեպք է պատահել Նովոսիբիրսկում. տղամարդը փորձել է ճանապարհի երթեւեկելի մասում մարդու դիակ թողնել, սակայն նրա գործողությունները նկարահանել է կողքից անցնող մեքենայի տեսախցիկը:
«Գործի եմ գնում, հանկարծ տեսնում եմ մի մարդ է հայտնվում, քարշ է տալիս մյուսին եւ նրան դնում ճանապարհին` իմ մեքենայի առաջ… Սարսափ», - գրել է ականատեսը համացանցում հայտնված տեսագրության մեկնաբանությունում:
Նա վախեցել էր: Ըստ վարկածներից մեկի` տղամարդը ցանկացել է դիակը դնել անիվների տակ, որպեսզի հետո մահվան մեջ մեղադրեր վարորդին: Սակայն վարորդին փրկել է մեքենայում տեսախցիկի առկայությունը:
Վարորդի օգտին ցուցմունք է տվել նաեւ հետեւից Toyota Prius մեքենայով ընթացող կինը:
Հատկանշական է, որ դեպքի վայրից 100 մ հեռավորության վրա գտնվել է ճանապարհային ոստիկանական ծառայության խումբ: Վայր են կանչվել նաեւ բժիշկներ, որոնք հաստատել են տղամարդու մահը միջադեպից 3 ժամ առաջ վրա հասնելու հանգամանքը, հաղորդում է «Ինտերֆաքսը»:
Հայտնի է, որ ոստիկանությունը ձերբակալել է ճանապարհին դիակը թողնել փորձող մարդուն:
