նախընտրելի դարձնելՀունական ուլտրաաջերի ղեկավարը հրապարակային ելույթի ժամանակ նացիստական ժեստ է կատարել: «Ոսկե լուսաբաց» կուսակցության ղեկավար Նիկոս Միխալոլյակոսը երիտասարդ կուսակիցների առաջ ելույթ ունենալիս խոսել է կոռուպցիայից եւ բացատրելով, որ ինքը մաքուր է, նացիստական ողջույնի ժեստ է կատարել, հայտնում է «vesti.ru»-ն:
«Այս ձեռքերը երբեմն կարող են այսպես ողջունել», - ասել է Միխալոլյակոսը` բարձրացնելով աջ ձեռքը նացիստական Գեմանիայում ընդունված ողջույնի ձեւով: Նրա ելույթի տեսագրությունը տարածել է Հունաստանի պետական հեռուստատեսությունը, հայտնում է «ՌԻԱ Նովոստին»:
Այդ հռետորական ոճը քաղաքական շրջանակներում մեծ աղմուկ է բարձրացրել, Հունաստանի գլխավոր կուսակցությունների ներկայացուցիչներն արդեն դատապարտել են գործընկերոջը: Չնայած սադրիչ ակցիաներին` «Ոսկե լուսաբաց» կուսակցության ժողովրդականությունը Հունաստանում վերջին ամիսներին աճում է: Հունիսին ընտրությունների արդյունքում ուլտրաաջերը երկրի խորհրդարանում 18 տեղ էին ստացել:
