նախընտրելի դարձնելՏեխասցի ուսանողուհին եւ իր շունը հայտնի են դարձել` նկարահանելով հանձնարարված հոլովակը: Ուսանողուհին ֆիլմ է նկարահանել ծանր առավոտվա մասին, որտեղ գլխավոր դերում հանդես է գալիս «մարդկային ձեռքերով» Դուդլին:
Դուդլիի մասին հոլովակը ուսանողուհի Չարլի Քիլպատրիկը նկարահանել է համլասրանական` հանրության հետ կապերի դասաժամի համար, գրում է տեխասյան The Highlander թերթը: Աղջիկը ընտրություն է ունեցել, բլոգ ստեղծել կամ հոլովակ նկարահանել, որը պետք է կես ամսում 1000 դիտում հավաքեր: Այս պայմանի կատարման դեպքում ուսանողները կստանան ստուգարքը: Չարլի Քիլպատրիկը 1000 դիտում է աշխատել ընդամենը մի քանի օրվա ընթացքում, իսկ ներկայում նրա հոլովակը դիտել են ավելի քան 700 հազար անգամ:
Կարճամետրաժ ֆիլմի սյուժեն պարզունակ է. շնամարդը առավոտ վաղ արթնանում է, կոճկվում է, մարդկային ձեռքերով աչքերից հանում է ժապավենը: Հետո այդ նույն ձեռքերով վերնաշապիկ է հագնում, մաքրում է ատամները, նախաճաշում է: Ընդ որում, ողջ հոլովակի ընթացքում դժվար է կռահել, թե որտեղ է թաքնվում այն մարդը, ում ձեռքերը օգնում են շանը իրեն կարգի բերել: Տպավորություն է ստեղծվում, որ ձեռքերը, իսկապես որ, կառավարում է շունը:
