նախընտրելի դարձնել«Սենդի» փոթորիկը Կուբայում եւ Հաիթիում արդեն 21 մարդու կյանք է խլել: Ավելի վաղ Հաիթիի ՆԳՆ-ն տեղեկացրել էր 9 զոհերի եւ 3 անհետ կորածների մասին: Եւս մեկ մարդ զոհվել է Յամայկայում:
Կուբայի փրկարարական ծառայությունները հայտնել են 11 զոհերի մասին: Ազատության կղզուց իշխանությունները տարհանել են 330 հազար բնակչի, հաղորդում է «ՌԻԱ Նովոստին»:
«Սենդի» արեւադարձային փոթորիկը սկսել է Կարիբյան ավազանի արեւմտյան հատվածում, այն ուժգնացել է Յամայկայով անցնելուց հետո: Այն հոկտեմբերի 24-ին որակավորվել է որպես առաջին կարգի վտանգավորության փոթորիկ` ըստ Սաֆիր Սիմփսոնի սանդղակի, իսկ հետո դասվել է նաեւ երկրորդ կարգում: Կուբայով անցնելուց հետո փոթորիկն ուղեւորվել է Բահամյան կղզիներ եւ ԱՄՆ-ի արեւելյան ափամերձ տարածքներ:
Ըստ Կուբայի քաղաքացիական պաշտպանության ծառայության տվյալների` ավերվել եւ վնասվել են բնակելի տներ, խափանվել է էներգամատակարարումը, ոչնչացվել են գյուղատնտեսական ապրանքներ եւ արմատախիլ են եղել շատ ծառեր:
