նախընտրելի դարձնելՄոսկվայի շրջանի Շչյոլկովո թաղամասում գազատարի պայթյուն է տեղի ունեցել: Բնակիչներին արթնացրել է որոտը եւ դրան հաջորդած բռնկումը: Միջադեպը տեղի է ունեցել առավոտյան ժամը 05.00-ին:
Ինչպես «ՌԻԱ Նովոստիին» հայտնել են ԱԻՆ-ի մարզային ԳՎ-ում, հրդեհի բարձրությունը 3-4 մ է եղել: Այրվել են 12 շինություններ, հրդեհը չեզոքացվել է ժ. 7.03-ին: Շարունակվում են մարման աշխատանքները:
Ըստ նախնական տվյալների` զոհեր եւ վիրավորներ չկան: Այժմ հրշեջները փորձում են կանխել բռնկումները:
Դեպքի արդյունքում խափանվել է 3 բնակավայրերի` Բալաշիխայի, Մոնինոյի եւ Չյորնոյեի գազամատակարարումը:
Գիշերային պայթյունը վախեցրել է Շչյոլկովոյի բնակիչներին: Ինչպես ntv.ru-ին պատմել են ականատեսները, ուժեղ պայթյունից հետո երկինքը հրավառվել է, եւ օդ են բարձրացել կրակի լեզուները: Ոմանց նույնիսկ թվացել է, թե քաղաքում ավիավթար է տեղի ունեցել:
