նախընտրելի դարձնել«Հայաստանն առանց քաղբանտարկյալների» նախաձեռնությունն այսօր՝ նոյեմբերի 17-ին, Երեւանում «Ազատության քայլերթ» խորագրով երթ անցկացրեց, որը մեկնարկեց Խնկո Ապոր անվան ազգային մանկական գրադարանի մոտից (ֆոտոռեպորտաժ):
Մեկնարկի համար ընտրված վայրն, ըստ կազմակերպիչների, խորհրդանշական է, քանի որ 2011թ.-ի օգոստոսի 9-ին ՀԱԿ ակտիվիստներին հենց այստեղ էին ոստիկանները ծեծի ենթարկել:
Քայլերթի մասնակիցներն անցան Տերյան-Սայաթ Նովա-Մաշտոցի պողոտա-Ամիրյան-Հանրապետության հրապարակ-Հյուսիսային պողոտա-Տերյան փողոցներով:
Կազմակերպիչների խոսքով, իրենք միավորվել են Հայաստանի Սահմանադրությամբ ամրագրված ինքնիշխան, ժողովրդավարական, սոցիալական, իրավական պետության գաղափարի, դրանից բխող` Հայաստանն առանց քաղբանտարկյալների գաղափարի շուրջ:
Նախաձեռնողները խստորեն դատապարտում են «իշխանությունը բռնի ուժով զավթած անձանց հակաիրավական գործողությունները, մասնավորապես` քաղաքացիների մտքի, խղճի, կարծիքն արտահայտելու եւ մարդու այլ հիմնարար ազատությունների ու իրավունքների ոտնահարումն ու քաղաքական հալածանքները»։
Երթի մասնակիցների ձեռքին կային ցուցապաստառներ՝ «Պատժել դատավորներին», «Ոչ քաղբանտարկյալներին», «Պայքար հանուն ազատության» բովանդակությամբ:
