նախընտրելի դարձնել15 հոգու սպանության մեջ մեղադրվող ղազախ սահմանապահ Վլադիսլավ Չելախը դեկտեմբերի 11-ին դատարան է տարվել հարկադրաբար։ Նա կրկին հայտարարել է, որ հրաժարվում է հանդես գալ քննարկումներին եւ կրկին հրաժարվել է վերջին խոսքից։ Միեւնույն ժամանակ Չելախը գոռացել է դատավորի վրա եւ կծել է պահակներին։
Հիմնական պաշտպան Սերիկ Սարսենովը դատարան չի եկել, որտեղ նախատեսված էր նրա հանդես գալը քննարկումներին։ Դատավոր Երբոլ Ահմեջանովը հեռացել է խորհրդատվության սենյակ՝ Ալմա- Աթայի տարածաշրջանի դրքում 15 մարդու սպանության մեջ մեղադրվող սահմանապահ Վլադիսլավ Չելախի վերաբերյալ վճիռ կայացնելու, հաղորդում է «Նովոստի- Ղազախստանը»։
Նախօրեին դատարանում Չելախի պաշտպաններից Ժումագաիշա Սարժանովան խնդրել է արդարացնել իր պաշտպանյալին Քրեական օրենսգրքի սպանության, գողության, զենքի հափշտակման, պետական գաղտնիքների անօրինական ձեռքբերման եւ հրապարակման, դասալքման համար պատիժների նախատեսման հոդվածներից։ Դրա հետ մեկտեղ, փաստաբանը համաձայն է, որ նրան մեղավոր ճանաչեն այն հանցագործություններում, որ նա խոստովանում է՝ ռազմական գույքի ոչնչացման, եւ զենքի ապօրինի ձեռքբերման եւ կրելու համար։ Դրա համար պաշտպանությունը խնդրում է Չելախին սահմանել ազատազրկման հետ կապ չունեցող պատիժ։
Պետական մեղադրողները դատարանից խնդրել են դատապարտել «Արկանկերգեն» սահմանային ուղեկալի միակ ողջ մնացած Վլադիսլավ Չելախին ցմահ ազատազրկման։
