նախընտրելի դարձնելՈւկրաինական ընդդիմադիր «Սվոբոդա» կուսակցության պատգամավորները տապալել են խորհրդարանի շենքի ցանկապատը, որտեղ դեկտեմբերի 12 –ին տեղի է ունեցել նոր կազմով առաջին նիստը:
Պատգամավոր Իգոր Միրոշնիչենկոն, հատուկ սաղավարտով եւ բաճկոնով, էլեկտրական սղոցով կտրել է ցանկապատը, մյուս պատգամավորները նրան օգնել են մուրճերով: «Այս ցանկապատը հարկավոր չէ ժողովրդին, այդ իսկ պատճառով էլ մենք հեռացնում ենք երկաթե ցանկապատը»,- բացատրել է պատգամավոր Անդրեյ Մոխնիկը:
Ակցիայի ժամանակ խորհրդարանի շենքի մոտ գտնվել է հատուկ նշանակայիններ, որոնք չեն միջամտել:
Ուկրաինայի խորհրդարանի ցանկապատն առաջին անգամ չէ, որ տապալվում է: Անցած տարի ընդդիմադիր «Բատկիվշչինան» արդեն նմանտիպ ակցիա իրականացրել էր, սակայն ցանկապատը վերականգնվել է ր Ռադայի խոսնակ Վլադիմիր Լիտվինի հրամանով:
