ՆախընտրելիՔրեական հեղինակություն Ասլան Ուսոյանի (Դեդ Հասան) հուղարկավորության արարողությունը Մոսկվայի Խովանսկի գերեզմանատանն ավարտվել է առանց միջադեպերի, «Ինտերֆաքսին» հայտնել է իրավապահ մարմինների աղբուրը:
Միակ աննշան միջադեպը, ըստ աղբյուրի, գրանցվել է առավոտյան, երբ գերեզմանատան պահպանության ծառայությունը գերեզմանատան տարածքից դուրս է բերել ԶԼՄ-ների մի քանի ներկայացուցիչների:
«LifeNews»-ը տեղեկացնում է, որ հուղարկավորության արարողությունն սկսվել է ժամը մոտավորապես երկուսին եւ տեւել մոտ մեկ ժամ: Հենց սեւ «Cadillac»-ը մոտեցել է գերեզմանատանը, մոտ 100 մարդ ոտքով շարժվել է դեպի շիրիմը, իսկ 150-ից ավելի մեքենաներն իսկական խառանշփոթ են առաջացրել մուտքի մոտ:
Սգո արարողությունից դեռ ժամեր առաջ քրեական աշխարհի ներկայացուցիչներից կազմված պահակազորը կանգնած է եղել դեպի Ուսոյանի գերեզմանը տանող բոլոր մուտքերի մոտ:
Հիշեցնենք, որ Ասլան Ուսոյանը սպանվել էր հունվարի 16-ին, Մոսկվայում:
