Վերջին երեք-չորս օրերին քարոզարշավը հասել է թեժության, հետաքրքրությունը չափազանց մեծ է: Այս մասին, այսօր՝ փետրվարի 15-ին, «Մեդիակենտրոնի» հյուրասրահում հայտարարեց նախկին վարչապետ, «Ազատություն» կուսակցության ղեկավար, նախագահի թեկնածու Հրանտ Բագրատյանը:

Նա նշեց, որ ընտրողների հետ հանդիպումների ժամանակ միայն տնտեսությունից չի խոսում, ներկայացնում է նաեւ քաղաքական ծրագիր, խոսում է ոչ տնտեսագիտական տերմիններով եւ հասարակ մարդիկ հասկանում են իրեն:  Նախագահի թեկնածուն շեշտեց, որ այսօր ամենածանր խնդիրն օրեցօր աճող աղքատությունն է,  արտագաղթը: Նա նշեց, որ երեւի մի փոքր քիչ է խոսում մարտի մեկի մասին, բայց հասարակության մեջ  լուրջ պահանջ կա, որ այդ հանցագործությունը բացահայտվի: 

Նախկին վարչապետը հայտարարեց, որ այսօր Հայաստանում ամենամեծ ստվերը թաքնված է  արտահանման եւ մոնոպոլիստ ներկրողների մեջ,  մասնավորապես՝ մեծ առեւտրային ցանցերում, քանի որ  երկուսի դեպքում էլ եկամուտները թաքցվում են:

Լուսանկարը՝  Արսեն Սարգսյանի/NEWS.am