նախընտրելի դարձնելԻմ առաջադրվելը գաղտնիք չի եղել ՀԱԿ-ում, այդ հարցը քննարկվել է, բայց ես չգիտեմ, թե ինչպես են ընդունել դա: Այս մասին, այսօր՝ փետրվարի 15-ին, «Մեդիակենտրոնի» հյուրասրահում հայտարարեց նախկին վարչապետ, «Ազատություն» կուսակցության ղեկավար, նախագահի թեկնածու Հրանտ Բագրատյանը:
Նա նշեց, որ առաջադրվելու մասին մտադրություն ուներ հայտարարեր սեպտեմբեր-հոկտեմբերին, բայց սպասեց, Լեւոն Տեր-Պետրոսյանի հայտարարությանը, թեեւ ի սզբանե գիտեր, որ նրա առաջադրվելու շանսերը բարձր չեն:
Անդրադառնալով ՀԱԿ անունով ստեղծվելիք կուսակցությանը՝ Հրանտ Բագրատյանն ասաց, որ կլինի ՀԱԿ կուսակցություն, որը կապ չունի ՀԱԿ դաշինքի հետ: «Կստացվի հակասություն կուսակցության եւ դաշինքի միջեւ: Իհարկե, նրանց իրավունքն է ստեղծել ՀԱԿ կուսակցություն, բայց խնդիր է ծագելու դաշինքի հետ կապված: ՀԱԿ դաշինքը պահպանելը, իհարկե, դժվար է»,- ասաց նա:
Խոսելով դաշինքի անվանումը որպես կուսակցության անուն օգտագործելու մասին ՝ նա նշեց, որ ՀԱԿ անվան հեղինակային իրավունքը Լեւոն Տեր-Պետրոսյանինն է, ինքը չի բողոքի:
Հրանտ Բագրատյանը նշեց, որ թեեւ իշխանության կազմաքանդելը ամբողջովին չստացվեց, բայց անպտուղ չեղավ, քանի որ «եթե ՀԱԿ-ը չլիներ, Հայաստանը տասնապատիկ վատ վիճակում կիներ, եթե չլիներ ՀԱԿ-ի դամոկլյան սուրը, Տիգրան Սարգսյանը կմոռանար «ռեֆորմներ» բառը»: Հրանտ Բագրատյանի կարծիքով՝ ՀԱԿ-ն իր մոտեցմամբ ինչ-որ տեղ ամրապնդեց իշխանությանը, որը ինչ-որ տեղ կարողացավ լուծել ճգնաժամը, սակայն եթե չհաջողվի փոխել նախագահին, ապա առաջիկա հինգ տարիներին չենք ունենա բարեփոխումներ:
