նախընտրելի դարձնելԱկանատեսները հրապարակել են Լուքսորի երկնքում օդապարիկի պայթյունի տեսագրությունը, որի հետեւանքով զոհվել էր 19 մարդ: Եգիպտական Լուքսորում օդապարիկի ընկնելու ընթացքում կրակից փրկվել փորձող մարդիկ ցած են նետվել մեծ բարձրությունից եւ մահացել: Սարսափելի միջադեպի ականատեսները ցնցված են:
Ողջ են մնացել միայն եգիպտացի օդաչուն եւ բրիտանացի երկու զբոսաշրջիկները, սակայն նրանցից մեկն ավելի ուշ հիվանդանոցում մահացել է: Մյուս զոհերը` Հոնկոնգից ինը չինացի զբոսաշրջիկներ, չորս ճապոնացի, երկու ֆրանսիացի, երկու բրիտանացի, հունգարացի եւ եգիպտուհի, վնասվածքներից եւ այրվածքներից տեղում մահացել են: Որոշ մարդիկ բառացիորեն ողջ-ողջ այրվել են:
Ողբերգությունը կատարվել է փետրվարի 26-ի լուսաբացին, երբ օդապարիկը թռչում էր հնագույն Լուքսոր քաղաքի վերեւով: Ըստ նախնական տվյալների` բռնկման պատճառը գազի պայթյունն է եղել:
Ականատեսները պատմում են, որ օդապարիկի զամբյուղում զբոսաշրջիկներից բացի եղել է նաեւ չորս գազի բալոն: Մեկը դեռ օդում է պայթել, մյուսները `գետնին ընկնելիս: Ըստ առաջինը դեպքի վայր ժամանած տեղի բնակիչների` օդապարիկից թռել է ինը մարդ: Մյուսները մնացել են զամբյուղում եւ ամբողջությամբ այրվել, գրում է NEWSru.com-ը:
