նախընտրելի դարձնելՄայիսի 10-ի գիշերը Երկրի մի շարք տարածքների բնակիչներ կարողացել են արեւի օղակաձեւ խավարում դիտել` երկնային ամենագեղեցիկ երեւույթներից մեկը: Երեւանի ժամանակով 02:30-ին Լուսինը փակել է Արեգակի մակերեւույթի 95%-ը, եւ տեսանելի է եղել միայն հրե օղակը:
Անսովոր երեւույթի ականատեսներ են դարձել Ավստրալիայի եւ Օվկիանիայի բնակիչները: Այդ խավարումն ամբողջական չէր, քանի որ Լուսինը գտնվում էր Երկրից բավականին հեռու, եւ դրա սկավառակը չէր կարող ծածկել Արեգակն ամբողջությամբ:
Այդ երեւույթը ամենատպավորիչն եղել է Կիրիբատի կղզիներում գտվողների համար, քանի որ այն տեղակայված է Ավստրալիայից 6,6 հազար կմ հյուսիս-արեւելք եւ Հավայական կղզիներից 2,1 հազար կմ հարավ: Ավստրալիայում խավարումն ամենից ավելի լավ տեսանելի է եղել երկրի հյուսիսում`այնտեղ Լուսինը ծածկել էր Արեգակի 85%-ը:
Օղակաձեւ խավարումն ուղիղ եթերով ցուցադրել են աստղագիտական կայքերը, օրինակ` Slooh.com-ը: Twitter-ը ողողված է ականատեսների գրառումներով: Հաջորդ անգամ Երկրի բնակիչներն այս հազվադեպ երեւույթը կտեսնեն 2035թ., հայտնում է ՆՏՎ-ն:
