ՆախընտրելիԱլբերտ Էյնշտեյնի պատվին անվանակոչված ավտոմատ ATV-4 բեռնանավը Կուրու տիեզերակայանից ( Ֆրանսիական Գվիանա) մեկնել եւ հաջողությամբ դուրս է եկել տիեզերք, հայտնել են Եվրոպական տիեզերական գործակալությունից (ԵՏԳ):
ATV-4 բեռնանավը ՄՏԿ պետք է տեղ հասցնի վառելանյութի, թթվածնի, ջրի եւ մթերքի պաշարներ, ինչպես նաեւ անձնակազմի անդամների անձնական իրեր: ՄՏԿ ժամանումը նախատեսված է հունիսի 15-ին:
«Արիան-5» կրիչ արբանյակով «Ալբերտ Էյնշտեյնի» ընդհանուր կշիռը հասնում է 20,2 տոննայի, օգտակար բեռինը` 6,5 տոննայի:
Այդպիսով, ATV-4-ն դարձել է տիեզերք ուղարկված ամենածանր «բեռնատարը»: Նրա նախորդի զանգվածը, որն անվանվել էր իտալացի ֆիզիկոս Էդուարդո Ամալդիի պատվին, կես տոննայով պակաս էր, հայտնում է NEWSru.com-ը:
Մայիսին ԵՏԿ-ի ղեկավար Ժան Ժակ Դորդենը հայտնել էր, որ ATV շարքի եվրոպական վերջին տիեզերական բեռնանավը ՄՏԿ կմեկնի 2014թ. հունիսին: ATV-5-ը կանվանվի բելգիացի գիտնական Ժորժ Լեմետրի պատվին, որը «Մեծ պայթյունի» տեսության հիմնադիրներից մեկն է:
