ՆախընտրելիՀռոմում Կարաբինավորների կորպուսի հատուկ գործողության ընթացքում վրացի 37 գողերի են ձերբակալել, այդ թվում՝ երեք կանանց, որոնք զբաղվում էին տների կողոպուտով: Սա իրավապահ մարմինների արդեն երկրորդ գործողությունն է՝ ուղղված վրացական կազմակերպված հանցավորության դեմ՝ այս տարվա մարտին 14 հոգուց բաղկացած այլ հանցախմբի կալանավորումից հետո:
Այս պահի դրությամբ Վրաստանի 54 քաղաքացիներ են ձերբակալվել, որոնց բռնել են հենց հանցանքի պահին:
Կարաբինավորների կորպուսի ներկայացուցչի խոսքով՝ ավազակախումբը չափազանց վտանգավոր է, քանի որ մեծաթիվ անդամներ ունի: Այն նաեւ կողպեքների բացման նոր տեխնիկա՝ «key bumping» էր կիրառում:
Կարաբինավորները հատուկ ընդգծել են, որ բարձրորակ այդ սարքերն արտադրվել ու ուղարկվել են Իտալիա, հայտնում է nr2.ru-ն:
Հանցագործների վարձակալած բնակարանից ոսկի, արծաթ, թանկարժեք զարդեր եւ համակարգիչներ են գտել՝ 2 մլն եվրո արժողությամբ:
Հանցախումբը զինվորական կարգուկանոնով է գործել: Յուրաքանչյուր անդամը նախապես իրեն հատկացված դերն է կատարել:
Կանայք զբաղվել են գողոնի իրացմամբ:
