նախընտրելի դարձնելՈստիկանությունը հաղորդագրություն է տարածել կապված Փակ շուկայի մոտ անչափահաս աղջկան հարվածելու փաստի վերաբերյալ:
Ոստիկանության հաղորդագրությունում ասվում է.
«Սեպտեմբերի 1-ին, ժամը 14.30-ին, Երեւանի Մաշտոցի պողոտայի 5 հասցերում գտնվող «Փակ» շուկայի դիմաց ոստիկանության ՊՊԾ գնդի 4-րդ հատուկ գումարտակի 2-րդ վաշտի ոստիկաններին է մոտեցել մի կին եւ մատնացույց անելով մեկ այլ կնոջ` հայտարարել, որ նա հարվածել է իր անչափահաս աղջկան:
Նշված քաղաքացիները հրավիրվել են ոստիկանության Կենտրոնականի բաժին, որտեղ պարզվել է, որ մատնացույց անող կինը 54-ամյա Նոնա Ջ.-ն է, նրա անչափահաս երեխան` 16-ամյա Կարինե Ջ.-ն, իսկ աղջկան հարվածողը` 50-ամյա Անահիտ Գ.-ն:
Դեպքի կապակցությամբ Կարինե Ջ.-ն հաղորդում է տվել, որ ժամը 14.30-ի սահմաններում շուկայի դիմաց նկատել է մի կնոջ, որը վիրավորում էր անցորդներին: Ինքը մոտեցել եւ փորձել է նկատողություն անել այդ կնոջը, սակայն վերջինս ցավագին ընդունելով իր նկատողությունը` ձեռքով մեկ անգամ հարվածել է իր դեմքին` պատճառելով ֆիզիկական ցավ:
Նշանակվել է դատաբժշկական փորձաքննություն:
Հանգամանքները պարզվում են:
Կատարվում է հետաքննություն»:
