նախընտրելի դարձնելՃապոնիայում հաջողությամբ արձակել են «Էպսիլոնը»՝ հեղափոխական հրթիռը, ինչպես երկրում անվանում են նոր սերնդի հրթիռակիրը։
Տիեզերական JAXA գործակալության ինժեներները «Էփսիլոնը» մշակել են 12 տարում։ Այն նախորդ H2A հրթիռներից շատ ավելի կոմպակտ է եւ եռակի էժան։ Դրա երկարությունը 24,5 մետր է։
«Էփսիլոնն» արձակելու փորձը հաջողությամբ է պսակվել միայն երկրորդ անգամից։ Նախորդ ձախողման պատճառը ցուցիչներից մեկի խափանումն էր եղել, հիշեցնում է ԻՏԱՌ-ՏԱՍՍ-ը։ Մեկնարկից 19 վայրկյան առաջ ազդանշան էր ստացվել, որ հրթիռի կորպուսը սխալ է տեղադրված։ Սակայն ստուգումը ցույց էր տվել, որ հրթիռի դիրքը ճիշտ էր։
Ճապոնական հրթիռը մեկնարկը հետաձգվել է դրանից 19 վայրկյան առաջ
«Էփսիլոնը» արձակել են Ութինոուրի կայանից։ Հրթիռը ուղեծիր է դուրս բերել SPRINT-A արբանյակը, որը կուսումնասիրի Մարսի, Յուպիտերի եւ Վեներայի մթնոլորտը եւ տեղեկություններ կհավաքի ուլտրամանուշակագույն ճառագայթների մասին, հայտնում է «Ռոսիա 24»-ը։
