Հայ գնորդներն այս տարի դժգոհ են «Դինամո» մարզադահլիճում բացված հերթական հնդկական ցուցահանդես շուկայից: «Լավագույնը Հնդկաստանից» անունը կրող տոնավաճառում ապրանքատեսականին նախորդ տարիների համեմատ ավելի փոքր է, որակը՝ ցածր, գները բարձր: 

«Ոնց որ քրջի բազար լինի: Փայտից շերեփն ինչ ա, որ 1000 դրամ արժի»,- NEWS.am-ի թղթակցի հետ զրույցում ասաց գնորդներից մեկը: 

Տոնավաճառը բացվել է հոկտեմբերի 4-ին և կտևի մինչև ամսի 8-ը: «Հայաստանում շատերն են հնդկական ապրանքների սիրահար»,- NEWS.am-ի թղթակցի հետ զրույցում ասաց տոնավաճառի կազմակերպիչ-տնօրեն Սյուզի Մովսիսյանը՝ նշելով, որ տարեցտարի տոնավաճառի հանդեպ պահանջարկը չի նվազում:

Մարզադահլիճի նախասրահում վաճառվում է Հնդկաստանից ներմուծած հագուստ, աքսեսուարներ, արծաթե զարդեր և բիժուտերիա, օծանելիք, հինա, փայտե իրեր և կահույք: