նախընտրելի դարձնելԻլինոյս նահանգում բազմաթիվ պտուտահողմերի եւ տեղատարափ անրձեւների հետեւանքով զոհվել է հինգ մարդ: Տուժել են տասյնակ մարդիկ:
Շատ քաղաքներոմ հողմն ավերել է ամբողջ թաղամասեր: Ամենից շատ տուժել են Բոուն Հեպ, Վաշինգտոն եւ Միլեր Սիթի բնակավայրերը:
Չիկագոյում առանց էլեկտրականության է մնացել 75 հազար մարդ, մի քանի ժամով փակվել են քաղաքի երկու օդանավակայանները: Մարզադաշտերում բոլոր մարզական միջոցառումները հետաձգվել են, հայտնում է «lenta.ru»-ն:
Ըստ ԱՄՆ-ի Ազգային օդերեւութաբանական ծառայության` տարածաշրջանով 65 տորնադո է անցել, սակայն ըստ մասնագետների, այդ թիվը կարող է չափազանցված լինել: Ներկայումս ցիկլոնը շարժվում է հյուսիս-արեւելք` ԱՄՆ-ի ատլանտյան ափ:
ԱՄՆ-ի Ազգային օդերեւութաբանական ծառայությունը զգուշացնում է Օհայո նահանգում եւ Մեծ լճերի հարավային շրջաններում տորնադոյի վտանգի մասին:
