նախընտրելի դարձնելՃապոնացի երգիծաբան Տոսիակի Կասուգուին հանպատրաստից ստեղծած կատապուլտով օդ են հանել, մինչ վերջինս քնած էր իր մահճակալում: Գործողությունը Dokkiri Award ռեալիթի շոուի մաս է կազմել:
Կասուգայի համար, որն արդյունքում հայտարարել էր, թե ոչինչ չէր կասկածում, հատուկ տնակ էին կառուցել Ֆուձիյամայի ստորոտներում, ուր նրան հրավիրել էին իբր նկարահանումների: Դերասանի քնած ժամանակ տեխնիկների խումբը տանն էր մոտեցրել շինարարական երկու վերամբարձ կռունկ եւ տանիքին արված հատուկ անցքերի միջոցով դրանք պարաննեով միացրել մահճակալին:
Հետհաշվարկից հետո աշխատողներից մեկը սեղմել է մեկնարկի կոճակը, եւ մահճակալը 50 մ վերեւ էր բարձացել: Հաստատվում է, որ քնած Կասուգայի կյանքին վտանգ չի սպառնացել, քանի որ նա կապված է եղել ամրագոտիներով: Տեսագրությունից երեւում է, որ դերասանը արթնացել էր մեկնարկից առաջ, երբ միացել էին ռեակտիվ շարժիչներ խորհրդանշող հրավառությունները:
Հետագայում երգիծաբանը պարզաբանել էր, որ խոր քնած է եղել եւ չի զգացել, թե ինչպես են իրեն կապել մահճակալին: Նա հավելել է, որ նախօրեի երեկոյան նկարահանող խմբի հետ բար էր գնացել, քանի որ դրսում ցուրտ էր:
Ճապոնական հեռուստահաղորդումներում հաճախ են այդպիսի ինքնատիպ եւ բարդ հնարքներ ցուցադրվում: Ավելի վաղ կազմակերպել էին դիպուկահարի հարձակում անցորդների վրա, եւ գրասենյակներում ռոբոտ դինոզավրեր էին բաց թողել, հայտնոմ է lenta.ru-ն:
