Սիրիայի Քոբանի քրդաբնակ քաղաքի դեմ իսլամիստների հարձակման դեմ բողոքի ակցիայի դուրս եկած Թուրքիայի տարբեր բնակավայրերում ցուցարարների եւ ոստիկանության միջեւ բախումների հետեւանքով զոհերի թիվը 36-ի է հասել։

Ինչպես տեղեկացնում է թուրքական Sozcu պարբերականը, այս մասին հայտնել են թուրք իրավապահները:  Ըստ նրանց՝ Դիարբեքիրում սպանվել է 10, Մարդինում՝ 7, Սիիրթում՝ 5, Վանում՝ 1, Բաթմանում՝ 1, Ադանայում՝ 1, Այնթափում՝ 4, Բինգյոլում՝ 7 եւ Մուշի Վարթոյի շրջանում եւս մեկ քաղաքացի։

Բինգյոլում 7 սպանվածներից 2-ը ոստիկաններ են, մյուսները՝ ցուցարարներ:

Նշվում է, որ զոհերից 8-ը գրանցվել են Դիարբեքիրում PKK-ի (Քուրդիստանի բանվորական կուսակցություն-խմբ) եւ թուրքական խորքային պետության հետ կապերի մեջ գտնվող իսլամիստական Huda par կուսակցության անդամների միջեւ բախումների հետեւանքով։

Մյուս զոհերը գրանցվել են բողոքի ակցիաների ժամանակ ոստիկանության հետ բախումների ժամանակ։