նախընտրելի դարձնելԵրեւանի քաղաքապետ Տարոն Մարգարյանը, շուրջ 15 երկրներից 40 պատվիրակությունների հետ ներկա գտնվեց «Էրեբունի-Երեւան 2796» տոնակատարությանը Էրեբունի պատմահնագիտական արգելոց-թանգարանի հարակից տարածքում: Քաղաքապետը կտրեց տոնական տորթը, շնորհավորեց երեւանցիներին եւ ներկա գտնվեց տոնական համերգին:
«Մաղթում եմ, որ այս օրերին երեւանցիներն ուրախ լինեն, տրամադրություններս միշտ բարձր լինի, եւ միասին նշենք Երեւանի տոնը, միասին կառուցենք մեր Երեւանը»,-NEWS.am-ի հետ զրույցում ասաց Տարոն Մարգարյանը:
Քաղաքապետը նշեց, որ վերջին 10 օրում անակնկալներ են մատուցվում երեւանցիներին, եւ դրանք շարունակվելու են նաեւ վաղը:
NEWS.am-ի հարցին, թե արդյոք երեւանցին ապրում է իր ուզած Երեւանում, քաղաքապետն ասաց. «Համեմատական դաշտի մեջ երեւանցին ապրում է իր ուզած Երեւանում, բայց, բնականաբար, ցանկանում ենք ավելի լավը տեսնել եւ բնականաբար, կամաց-կամաց միասին հասնելու ենք այդ լավին»:
Նշենք, որ «Էրեբունի-Երեւան 2796» տոնակատարությունը կնշվի նաեւ վաղը՝ Երեւանի տարբեր համայնքներում:
