նախընտրելի դարձնելՀոկտեմբերի 27-ին, ժամը 18.25-ին, ոստիկանության Մալաթիայի բաժնում ահազանգ է ստացվել, որ շտապօգնության խումբը կանչով մեկնել է Երևանի Անդրանիկի փողոցի 13 շենքի բնակարաններից մեկը, որտեղ պարզվել է, որ սպանվել է տանտիրուհին:
Ոստիկանության մամուլի ծառայությունից հայտնում են, որ մեկնած օպերատիվ խումբը պարզել է, որ նույն օրը, ժամը 17.15-ին, կենցաղային հարցերի շուրջ ծագած վիճաբանության ժամանակ, 69-ամյա Ազատ Մ.-ն դանակով հարվածներ հասցնելով՝ սպանել է կնոջը` 62-ամյա Մելանյա Պողոսյանին:
Ոստիկանության ծառայողները ժամը 20.00-ին Ազատ Մ.-ին Արարատյան 1-ին զանգվածի թիվ 10/3 շենքի մոտից, սպանություն կատարելու կասկածանքով, բերման են ենթարկել ոստիկանության Մալաթիայի բաժին:
Հանցագործության գործիք դանակը հայտնաբերվել է դեպքի վայրում:
Նշանակվել են փորձաքննություններ:
Կատարվում է նախաքննություն:
