ՆախընտրելիՆյուքասլից մի լուսանկարիչ ստեղծել է աշխարհում առաջին տպիչը, որը ինքնաոչնչացող փաստաթղթեր է տպում. այն փաստաթղթերից, որոնք պարբերաբար ստանում են լրտեսական վեպերի հերոսները:
Սարքը չափերով համապատասխանում է սովորական տպիչին, բայց շատ ավելի բարդ կառուցվածք ունի: Այն տպելիս թուղթը պատում է նյութով, որը փաստաթղթի ինքնաբռնկում է առաջացնում:
Ընթերցողն ընդամենը 60 վայրկյան է ունենում փաստաթղթին ծանոթանալու համար՝ նախքան դրա բռնկումը: 27-ամյա Դիեգո Պիսանտին հայտնում է, որ մեկ տարի է ծախսել սարքը ստեղծելու համար, փոխանցում է Mail Online-ը:
Տպելու ժամանակ սարքը թղթի մի երեսը պատում է կալիումի աղերի բարակ շերտով, իսկ մյուս երեսին գլիցերինի քսուք է քսվում: Տպելուց հետո սկսվում է քիմիական ռեակցիան, որը փաստաթուղթը վերացնում է «Առաքելությունն անիրագործելի է» ֆիլմի ոճով՝ մեկ րոպե անց:
Բացառիկ տպիչը ստեղծելու համար երիտասարդը ծախսել է շուրջ 6550 դոլար, փոխանցում է FedPost.ru-ն:
Չնայած սարքի ներուժին, որը գրեթե երաշխավորում է, որ գաղտնի փաստաթղթերը օտար ձեռքերում չեն հայտնվի, երիտասարդը քիչ հավանական է համարում, որ իր գյուտը կօգտագործեն հատուկ ծառայությունները:
