նախընտրելի դարձնելՄեծ Բրիտանիայում «Սեւ ուրբաթի»՝ մեծ զեղչերի օրը՝ նոյեմբերի 28-ին, կանանց միջեւ հրմշտոց է սկսվել ամերիկյան Victoria’s Secret ապրանքանիշի խանութում՝ զեղչված ներքնազգեստի համար:
Կանայք իրենց հավանած ներքնազգեստը առաջինը ձեռք բերելու ցանկությունից դրդված՝ գոռգռացել են իրար վրա՝ հրելով եւ վայր գցելով միմյանց:
Նշենք, որ «Սեւ ուրբաթը», որը հաջորդում է Գոհաբանության օրվան՝ ավանդաբար համարվում է սուրբծննդյան եւ ամանորյա մեծ զեղչերի սեզոնի բացման օրը: Այս օրը միլիոնավոր մարդիկ շտապում են խանութներ՝ այսպես կոչված «սեւ ուրբաթի» շրջանակներում կազմակերպված մեծ զեղչերի հետեւից՝ երբեմն մինչեւ 99 տոկոս։
Բազմաթիվ խանութներ բացում են դռները կեսգիշերին կամ ավելի շուտ: Իսկ մինչեւ այդ դռների մոտ արդեն գնորդների հսկայական հերթեր են գոյանում:
Իսկ Սեւ ուրբաթին հաջորդող երկուշաբթին անվանում են «կիբեռերկուշաբթի» , որը ինտերնետ-խանութների համար ամենալարված օրն է:
Այս տարի որոշ խանութներ որոշել են Սեւ ուրբաթի փոխարեն Սեւ հանգստյան օրեր կազամկերպել՝ զեղչերը երկարաձգելով մինչեւ դեկտեմբերի 1-ը:
