նախընտրելի դարձնելՀնդկաստանի Հայդարաբադ քաղաքի բնակիչ Մուհամեդ Խուրշիդ Հուսեյնը (Mohammed Khursheed Hussain) քթով տեքստ հավաքելու արագության համաշխարհային ռեկորդ է սահմանել: Գինեսի ռեկորդների գրքի ներկայացուցիչների ներկայությամբ 23-ամյա տղամարդը 47,44 վայրկյանում 103 բառերից կազմված տեքստ է հավաքել:
Մուհամեդի հավաքած արտահայտությունը սկսվում է հետեւյալ բառերից. «Գինեսի ռեկորդների գիրքն ընտրել է ինձ, որպեսզի սա ես հավաքեմ ամենակարճ ժամանակում»:
Տեքստը հավաքելիս Մուհամեդը փակել է մի աչքը: Բացի դրանից, նրա ձեռքերը կապված են եղել մեջքին: Ռեկորդը սահմանելուն նախապատրաստվելու համար տղամարդը վերջին երեք տարիներին պարապել է օրական վեց ժամ, հայտնում է «lenta.ru»-ն՝ վկայակոչելով The Daily Mirror-ը:
Ավելի վաղ Մուհամեդ Խուրշիդ Հուսեյնն արդեն նման ռեկորդ սահմանել էր: 2012 թ. փետրվարին նրան հաջողվել է հավաքել անգլերենի այբուբենի բոլոր տառերը՝ 3,43 վայրկյանում:
