նախընտրելի դարձնելԹուրքիայում ազգությամբ հայ հայտնի փոփ երգիչ Ռոբեր Հաթեմոն հարցազրույցի ժամանակ հայտնել է, թե բանակում ծառայության ժամանակ է թլպատվել։
Թուրքական Posta պարբերականի թղթակցի հետ հարցազրույցում Ռոբեր Հաթեմոն պատմել է, թե բանակում ծառայության տարիներին իր հրամանատարն իմանալով, որ ինքը թլպատված չէ, առաջարկել է թլպատվել։ Ռոբեր Հաթեմոն նշել է, թե հրամանատարը զանգահարել է իր հորը եւ ասել, թե որդին ցանկանում է թլպատվել եւ հորից ստացել դրական պատասխան։
«Ինչպես երեխաներին են անում, ինձ էլ հագցրեցին թլպատվելու համար հատուկ հագուստ եւ թլպատվելու համար նախատեսված մեքենայով պտտեցրեցին Ադանայի փողոցներով»,-ասել է Ռոբեր Հաթեմոն։
Նշենք, որ ազգությամբ հայ Ռոբեր Հաթեմոն ծնվել է Թուրքիայի Չանաքքալե քաղաքում, 1974 թվականին։
Նրա առաջին ալբոմը դուրս է եկել 1997-ին։ Նրա երգերը հայտնվել են Թուրքիայում տարբեր երաժշտական նախագծերի առաջին հորիզոնականներում, իսկ ալբոմներից մեկը ընդգրկվել է Թուրքիայում ամենաշատ վաճառված ալբոմների մեջ։
Ռոբեր Հաթեմոյի տեսահոլովակներից մեկը դիտելու համար սեղմեք ԱՅՍՏԵՂ։
