նախընտրելի դարձնելԱՄՆ-ում գիտնականները ռոբոտային տեխնիկայի օգնությամբ կարողանում են կառավարել կենդանի խավարասերներին:
«Մենք բավական ժամանակ ենք ծախսել, որպեսզի հասկանանք, թե ինչպես պետք է աշխատել խավարասերների հետ, նրանց ստիպել լսել հրահանգները: Նրանք երկար ժամանակ այսպիսի «ուսապարկեր» են կրել: Հիմա, երբ գիտափորձի ընթացքում մենք նրանց ազդանշաններ ենք ուղարկում, նրանց իսկապես կատարում են մեր հրահանգները»,- պատմել է Թեխասի A&M համալսարանի պրոֆեսոր Հուն Լյանը:
Նրա խոսքով, ինժեներներն ավելի խոշոր համակարգեր՝ մեծ ռոբոտներ են մշակում: «Իսկ մեզ ավելի փոքր էակներ են հետաքրքրում: Զբաղվելով փոքրիկ ռոբոտների ստեղծմամբ՝ հասկանում ես, որ բնությունը քեզանից ավելի լավ է գլուխ հանում: Այդ պատճառով մենք ձգտում ենք համագործակցել նրա հետ, եւ նախ մանրամասն ուսումնասիրում ենք կենդանի միջատներին»,- ասել է պրոֆեսորը:
Ինժեներները կենդանի էակներին ուսումնասիրում են, որպեսզի կարողանան բնության նախատիպի կառուցվածքը կրկնող ռոբոտներ ստեղծել: Օրինակ՝ գերմանական Festo ընկերությունն արդեն թռչունների, միջատների եւ նույնիսկ կենգուրուների ռոբոտներ է ստեղծել:
