Սեպտեմբերի 16-ին Նոր Նորքի շենքերից մեկի բակում ոստիկանները նկատել են կասկածելի արտաքինով 3 հոգի, որոնք մտել են շենքի մուտքերից մեկը: Ոստիկանները անիմիջապես գործի են անցել, վնասազերծել տարածքը եւ բերման ենթարկել

Նոր Նորքի 4-րդ զանգվածի բնակիչներ 27-ամյա Տարոն Ավետիսյանը, 30-ամյա Մելիք Բազիկյանն ու Թադեւոս Ավետիսյանը:

Խուզարկությամբ նրանց մոտից հայտնաբերվել է ծալովի դանակ, էլեկտրահարիչ եւ մի քանի տասնյակ տարբեր չափերի բանալիներ:  Ոստիկանները կասկածներ ունեն, որ եռյակի հանցավոր ռեզյումեն մեկ բնակարանի գողության փորձով  չի ավարտվում, հնարավոր է կատարած լինեն նմանատիպ հանցանքներ եւս:

Գողության փորձ կատարելու համար ոստիկանություն բերման ենթարկված 3 երիտասարդները ձերբակալված են:

Մանրամասները ոստիկանության պատրաստած տեսանյութում