նախընտրելի դարձնելԵրեւանում ավարտվեց լեգենդար շանսոնիե Շառլ Ազնավուրի համերգը։ Աշխարհահռչակ հայ երգչի անսպառ էներգիան ոգեշնչել էր Կարեն Դեմիրճյանի անվան մարզահամերգային համալիրում գտնվող յուրաքանչյուր հանդիսատեսի (ֆոտոռեպորտաժ)։
Բուռն ծափահարություններն ու «բրավոները» չէին դադարում։ 91-ամյա շանսոնիեն հիանալի կատարեց 20 երգ՝ իրական տոն պարգեւելով հանդիսատեսին։
Շառլ Ազնավուրին ձայնակցում էին անգամ աֆրիկյան երկրների պատվիրակությունների ներկայացուցիչները, որոնք Երեւան էին ժամանել Ֆրանկոֆոնիայի միջազգային կազմակերպության անդամ երկրների արտգործնախարարների 31-րդ նստաշրջանի շրջանակներում։
Յուրաքանչյուր երգից հետո հանդիսատեսը հոտնկայս ծափահարում էր նրան։ Ave Maria եւ La Boheme կատարումները շարժեցին տարբեր մշակույթների ներկայացուցիչների հոգու լարերը՝ անտարբեր չթողնելով ոչ ոքի։ Շառլ Ազնավուրը դահլիճին 2-ժամյա կախարդանք պարգեւեց՝ հերթական անգամ ցուցադրելով ոգու անսպառ ուժը։
