Մոնղոլիայում «Էրդենես Տավանտոլգոյ» ընկերության բանվորների արհմիության ղեկավարը մամուլի ասուլիսի ընթացքում ինքնահրկիզվել է։ Այդ մասին տեղեկացրել է մոնղոլ լրագրող Ինկտուշի Զոհտոն, տեղեկացնում է  РСН-ը։

Նրա խոսքով, տղամարդը դեմքի եւ ոտքերի ոչ այնքան լուրջ այրվածքներ է ստացել։ Նրան հիվանդանոց են հասցրել։

Զոհտոն նշել է, որ իր կարծիքով արհմիության առաջնորդը դա կատարել է մոնղոլական իշխանությունների հետ անհամաձայնության ի նշան։ 

Հոկտեմբերի 17-ից «Էրդենես Տավանտոլգոյ» ընկերության բանվորները ցույցի են դուրս եկել ղեկավարության այն որոշման դեմ, որով ընկերությունը փոխանցվել է մասնավոր՝ MCS ընկերությանը։